بلومبرگ بلینیئرز انڈیکس کی تازہ رپورٹ کے مطابق بھارت کے معروف صنعت کار گوتم اڈانی نے مکیش امبانی کو پیچھے چھوڑ کر ایشیا کے امیر ترین شخص کا اعزاز حاصل کر لیا ہے۔
رپورٹ کے مطابق گوتم اڈانی کی مجموعی دولت 92.6 ارب ڈالر تک پہنچ گئی ہے، جبکہ مکیش امبانی کی دولت 90.8 ارب ڈالر ریکارڈ کی گئی ہے، جس سے اڈانی تقریباً 1.8 ارب ڈالر سے آگے نکل گئے ہیں۔
عالمی درجہ بندی میں گوتم اڈانی 19ویں جبکہ مکیش امبانی 20ویں نمبر پر موجود ہیں۔ اس کے علاوہ دیگر بھارتی ارب پتیوں میں لکشمی متل اور شیو نادر بھی شامل ہیں، جو بالترتیب 62ویں اور 70ویں نمبر پر ہیں۔
ماہرین کے مطابق یہ تبدیلی عالمی مارکیٹ میں اتار چڑھاؤ اور کمپنیوں کی کارکردگی کا نتیجہ ہے، جس نے دولت کی درجہ بندی کو متاثر کیا ہے۔
https://play.google.com/store/apps/details?id=com.app.theurdudaily
