بھارت اور چین کے درمیان سرحدی تنازعہ ایک بار پھر شدت اختیار کر گیا ہے، جہاں چین نے اروناچل پردیش کے حوالے سے متنازع بیان جاری کیا ہے۔ چین کا کہنا ہے کہ اروناچل پردیش دراصل اس کا حصہ ہے اور بھارت نے اسے غیر قانونی طور پر قائم کیا ہے۔
یہ بیان اس وقت سامنے آیا جب بھارت نے چین کی جانب سے اپنے علاقوں کے نام تبدیل کرنے کی سخت مذمت کی تھی۔ بھارت نے واضح کیا کہ اروناچل پردیش اس کا اٹوٹ انگ ہے اور اس پر کسی بھی قسم کا دعویٰ ناقابل قبول ہے۔
چین نے اپنے بیان میں کہا کہ وہ اروناچل پردیش کو کبھی تسلیم نہیں کرتا اور اسے “زنگنان” کے نام سے اپنا علاقہ سمجھتا ہے۔ تاہم، چین نے یہ بھی کہا کہ دونوں ممالک کو تعلقات بہتر بنانے کے لیے ایک دوسرے کے ساتھ بات چیت جاری رکھنی چاہیے۔
ماہرین کے مطابق اس طرح کے بیانات دونوں ممالک کے درمیان کشیدگی کو بڑھا سکتے ہیں، خاص طور پر ایسے وقت میں جب سرحدی مسائل پہلے ہی حساس نوعیت اختیار کر چکے ہیں۔
https://play.google.com/store/apps/details?id=com.app.theurdudaily
