میں پیش آنے والے دلخراش واقعے نے مقامی آبادی کو صدمے میں مبتلا کر دیا۔ سات سالہ طالبہ اننیا اسکول بس کے فرش میں موجود مبینہ طور پر خراب اور کمزور حصے سے نیچے سڑک پر جا گری اور چلتی بس کے پہیوں تلے آ کر جان کی بازی ہار گئی۔
اہل خانہ کا کہنا ہے کہ حادثے کے بعد ڈرائیور بچی کو فوری طور پر قریبی اسپتال منتقل کرنے کے بجائے گھر لے گیا، جس پر شدید غفلت کا الزام عائد کیا جا رہا ہے۔ واقعے کے بعد پولیس اور ضلعی انتظامیہ نے اسکول انتظامیہ اور بس ڈرائیور کے خلاف مقدمہ درج کر کے تحقیقات شروع کر دی ہیں۔ حکام کا کہنا ہے کہ بسوں کی فٹنس اور حفاظتی معیار کا ازسرنو جائزہ لیا جائے گا تاکہ آئندہ ایسے سانحات سے بچا جا سکے۔
