ہندوستان کے پڑوسی ملک چین میں بدھ کی صبح زلزلے کے جھٹکے محسوس کیے گئے جس سے پورے علاقے میں خوف وہراس پھیل گیا۔ یہ زلزلہ شمالی چین کے ہیبی صوبے کی یونگ کنگ کاؤنٹی لینگ فانگ میں آیا، جس کی شدت ریکٹر اسکیل پر 4.2 تھی۔ چائنا زلزلہ مانیٹرنگ سینٹر (CENC) نے واقعے کی تصدیق کی ہے۔ زلزلے کا مرکز سطح زمین سے 20 کلومیٹر نیچے تھا اور اس کے اثرات دارالحکومت بیجنگ تک محسوس کیے گئے۔ چین کے الرٹ سسٹم کو فوری طور پر فعال کر دیا گیا اور لوگوں کو ہوشیار رکھنے کے لیے موبائل فونز پر الرٹ پیغامات بھیجے گئے۔