گزشتہ روز اسرائیل نے جنگ بندی کو توڑتے ہوئے غزہ پر تباہناک حملہ کر دیا تھا۔ اس حملے میں تقریباً 400 فلسطینیوں کی موت ہو گئی اور سینکڑوں دیگر زخمی بھی ہوئے۔ اس واقعہ نے مسلم ممالک کو فکر مند کر دیا ہے۔ عرب ممالک سمیت پوری دنیا میں اسرائیلی حملے کی مذمت کی جا رہی ہے۔ اسلامی ممالک کی تنظیم او آئی سی نے اپنے ایک بیان میں کہا ہے کہ اسرائیل کا تازہ حملہ فلسطینیوں کے خلاف جنگی جرائم اور نسل کشی کا تسلسل ہے۔